Gas man bithliah thar a ni

Indian Oil Corporation-in eirawngbawlna gas (LPG) man a tihchhuah thar zûlzuiin Food, Civil Supplies & Consumer Affairs department chuan Mizorama gas man a bitliah thar a; domestic cylinder (kg 14.2) man tihdanglam a ni lo a, gas bûr ṭhenkhat man tihsàn a ni thung.

FCSCA department tarlan danin, chhungkuaa eirawngbawlna atana hman tlanglawn domestic cylinder (kg 14.2) man chu nikum June thla aṭang khan tihdanglam a la ni lo a; Vairengteah Rs 996 leh Vairengte tih loh hmun dang zawngah Rs 1,005 man a ni.

Vairengte tih loh hmun dang zawngah commercial cylinder (kg. 19) man Rs 2,188 (Jan-ah Rs 2,138.50), XtraTej (kg. 19) man Rs 2,210.50 (Jan-ah Rs 2,161) leh composite (kg. 10) man Rs 724 (Jan-ah 724) a ni a; Vairengteah chuan Rs 2,173 (Jan-ah Rs 2,023.50) a ni a; XtraTeJ Rs 2,195.50 (Jan-ah Rs 2,146) leh composite Rs 714 (Jan-ah Rs 714.50) a ni.

Home delivery kalpuinaah chuan gas manah Rs 70 belh tur niin, kudama hralh a nih chuan Rs 33.43 zel paih tur a ni a, point delivery-ah chuan Rs 7.53 zel belh tur a ni thung. Gas man bithliah thar hi February 1, 2026 khan hman ṭan ni.

Home delivery kalpuinaah hian gas kg 10 bûr sem tel a nih chuan Rs 70 belh tel tur a ni a, kg 5 bûr sem tel a nih chuan Rs 20 belh tur a ni bawk.