Lawngtlaiah PM Poshan Day hmang

Nimin khan PM Shri Model English School, Lawngtlaiah PM Poshan Day hman a ni a, adviser to chief minister Dr Lorrain Lalpekliana Chinzah, MLA leh district bawrhsap Donny Lalruatsanga ten an hmanpui.

Dr Lorrain Lalpekliana Chinzah chuan, PM Poshan chu zirlaite'n ei tur ṭha an ei theihna tura duan a nih angin, theihtawp chhuah zel a ngaih thu a sawi a, "Zirlai naupangte hi ram leh hnam innghahna a ni a, ṭha taka enkawl leh dâwmkan hi mi tin mawhphurhna a ni. Zirlaite hlutzia leh pawimawhzia hriat chian zel a pawimawh," a ti.

PM Poshan Guidelines-in a phût ang taka zirlaite'n chaw ṭha an mamawh ang pek a ṭul thu sawiin Dr Lorrain Lalpekliana chuan, "Zirlai naupangte'n ei leh in ṭha an hmuh zel theih nan sorkarin theihtawp a chhuah zel dawn," a ti a; Lawngtlai district chu PM Poshan kalpui ṭha ber a nih theih nana theihtawp chhuah turin mawhphurtute a chah.

Khualzahawm Donny Lalruatsanga chuan, zirna leh hriselna chu kal kawp tlat a nih avangin Lawngtlai mipuite'n ṭan lak thar a ṭul thu a sawi a, "PM Poshan mumal taka kalpui a pawimawh a, naupangte hriselna tura ei leh in ṭha pek hi tihmakmawh a ni," a ti.

PM Poshan Day hman-naah hian PM Shri Model English School zirlaite leh zirtirtu te, PM Poshan hotute leh SSA hotute an tel a ni.