KHAWTHLIR

MZU-ah workshop

Mizoram University-a Department of Mass Communication leh University of Hyderabad ṭang dun chuan, nimin khan MZU-a Dean’s SEMIS Conference Hall-ah, 'Mizo, Khasi, Kodava, Chakhesang leh Thadou hnam thil hlui leh lehkha pawimawhte vawnhim dan ṭha zawk zawn dan,' tih thupui hmangin, national workshop an buatsaih a; mithiamte paper buatsaih zirho a ni.

Thisen pe

Phunchawng Branch KṬP chuan, nimin khan Synod Hospital tan thisen unit 11 an pe a, a petute mipa panga leh hmeichhia paruk an ni.

Khelo India

Sorkar laipui flagship programme, Ministry of Sports and Youth Affairs-in Khelo India a buatsaih hnuaia Serchhip district level competition chu nimin khan Serchhip DC Dr Lalrozama'n a hawng. Khelo India hi vawiinah chhunzawm a ni dawn a, infiamna chi hrang hrang 10 hmangin intihsiak buatsaih a ni.

DC-in tlawh

Mamit DC Lalbiaksangi chuan, Ningani khan Bairabi-a Tlawng lei dawh mek a tlawh a; Mamit district tana kawng pawimawh tak dawh hna kal mek chu dawh zawh hun tura tiha zawh hman a nih ngei theihna turin a zing thei ang bera a tlawh tur thu a sawi. Lei dawhtu ABCI hotute chuan, lei dawh hna hi March 25, 2017 hmaa zawh hman an inbeisei thu DC an hrilh.

Leimin thenfaina

Disaster Management & rehabilitation minister C Ngunlianchunga aiawha MNF member Lalruatkima zawhna chhangtu minister PC Lalthanliana chuan, Rangvamuala leimin thenfaina atan SRDF/NRDF sum cheng nuai 216.977 hman a nih thu House a hrilh.

Mipui tanpui

Rs. 500 leh Rs. 1,000 note tih thih anih avanga bank dawrtute'n harsatna an tawh lohna atan, Mamit District Legal Services Authority leh Para Legal Volunteer-te chuan Mamit-a bank pahnih State Bank of India leh Mizoram Rural Bank dawrtute chu a ṭul ang angin an ṭanpui.