Synod-in mahni intihlum a hrana Vui dan bik neih tihtàwp a rel

Synod Inkhawmpui vawi 93-na chu nimin khan Durtlang kohhran biak-inah chhunzawm a ni a, general agenda eng emaw zat ngaihtuah a ni. Mahni intihlumte a hrana vui dan bik neih tihtàwp an rel.

Synod Inkhawmpui 2016 chuan mahni intihlumte a hrana vui dan bik neih ṭul tawh loah ngaiin, tihtawp an rêl a; an thurel dang zingah - Mizoram Presbyterian Kohhran din ṭan ní chu Synod ni pawimawha telh te, Kolkata-ah Synod sum sêng loa hmunhma neih belh dan kawng zawn te, Myanmar ramah ramthar rawngbawlna tur kawng zawn te, Synod Hospital-ah Dental department hawn thar leh damlo awmpuitute tan khualbûk sakte a tel.

Synod Inkhawmpui rorel hi vawiin leh naktukah chhunzawm leh a ni ang.

December 8, Ningania chhuak Vanglaini-a Synod puipate hming tarlan kha kumina puipate ni loin, nakkuma puipate tur zawk an ni.