SA-in Red Kettle kalpui ṭan

Salvation Army, India Eastern Territory chuan Krismas lo thleng tur puala mi retheite tana ṭanpuina báwm an dawh ṭhin, 'Red Kettle' programme chu nimin khan Vanapa Hall kawtah an ṭan a, Mizoram State Commission for Women chairperson Vanlal-awm-puii Chawng-thu, MLA-in a hawng.

Vanlalawmpuii Chawngthu chuan, Kris-mas puala Salvation Army-in Red Kettle an buatsaih chu lawmawm a tih thu sawiin, "A lêt leh tur beisei loa mi chanhaite tana thilpek leh rawngbawlna dang hmanga luan chhuah hi a ropui a, nangmahni vang hian hrehawm tuar leh chanhaite'n malsawmna an dawng dawn a, ka lawmpui tak zet a ni," a ti a; ṭanpuina bâwmah thilpek thawh turin mipui a sâwm.

Red Kettle hawn zawhah Vanlalawmpuii Chawngthu chuan thilpek a thawh nghal. Red Kettle báwm hi vawiin aṭangin Aizawl hmun hrang hrangah dawh a ni dawn a, SA Youth hoin an buaipui dawn a ni.