Ramriah hel leh an ralthuam man

Siaha police leh 1st. Assam Riffle-te chuan, December 8, 2016 khan Joint Operation neiin Siaha district aṭanga km. 5 vela hlá, India leh Myanmar (Burma) inrina Chhimtuipui lui (Kolodyne) bulah hel tawmna an luhchhuah a; Arakan Liberation Army (ALA) hel ni ngeia rin mi pariat leh an ralthuam eng emaw zat an man.

ALA mi leh sa nia hriatte hi nimin zing khan Siaha Police Station hruai thlen an ni a, thubuai siamsak nghal an ni.

Ralthuam an man sakte chu - Lathode Grenade Launcher pakhat, 7.62mm Assault Riffle pakhat, 5.56mm M16 Riffle pakhat, M11 Assault Riffle pakhat, G-3 Riffle pakhat, Lathod Grenade 10, 5.56mm M16 mu 237, 7.62mm AK56 mu 176, Hand Grenade (Chinese) pahnih, Binocular (Bushnell) pakhat, Hand Held Radio Set pahnih, M16 Riffle Magazine panga, AK56 Magazine pahnih,G-3 Riffle mu 92, G-3 Riffle Magazine leh M-11 Magazine pahnih a ni.