KHAWTHLIR

Holiday sawn

Mizoram sorkar chuan thuchhuah siamin, sorkar laipuiin restricted holiday atan December 13 (Milad-Un-Nabi or Id-E-Milad) a puan tawh chu Milad-Un-Nabi or Id-E-Milad hi December 12-ah a sawn hma avangin, Mizoam sorkar pawhin restricted holiday atana December 12 puan tawh chu December 13-ah a sawn.

Thisen pe

Hliappui Students Union chuan, nimin khan Aizawl Civil Hospital-ah kalin Krismas thilpek atan thisen unit 14 an pe a, a petute mipa vek an ni.

Thálfavâng Kût

Ṭhálfavâng Kût Organising Committee chu nimin khan an chairman, Tourism minister John Rotluangliana hoin an ṭhukhawm a, December 15-17, 2016 chhunga Tuirial Airfield-a Ṭhal­favang Kut hman dan tur leh inbuatsaihnate an sawiho.

Fee zat

Health minister Lal Thanzara chuan session neih zawh taka MNF member Lalrinawma zawhna chhangin, kumin sorkar kum chhungin Mizoram State Health Care Scheme (MSHCS) hnuaiah enrolment fee Rs. 1,38,28,438 hmuh a nih thu a tarlang a, "MSHCS atan hian Mi­zo­ram sorkarin kum 2014-15 leh 2015-16 chhung­in budget-ah pawisa a dah lo a, ADB aṭanga kum 2009-a loan a hmuh cheng vbc. 117.80 chu corpus fund siamin, chumi aṭanga bank interest chu Finance dept. aṭangin quarter tin a dil ṭhin.

NGO-te in regsiter turin hriattir

Aizawl DC chuan thu­chhuah siamin, Ministry of Social Justice and Empowerment thu­chhuak angin NGO/Voluntary Organisation-te chu NITI Aayog in a siam portal http://ngo.india.gov.in/auth/d... ah in register vek a ngaih tawh thu a tarlang a, "He UID hi ṭanpuina (grants) dawng tura sorkar laipui leh state sorkar nena an indawrna reng rengah a ṭul tawh dawn a ni," a ti.