Gas harsat loh dan tur sawiho

Food Civil Supply & Consumer Affairs (FCSCA) minister John Ro-tluangliana hoin, nimin khan a pisaah Krismas lo thleng tura mipuiin eirawngbawlna gas-a harsatna an tawh loh dan tur sawiho a ni.

FCSCA Minister chuan, hunpui lo thleng tur thlir-in Mizoram sorkar chuan Indian Oil Corporation hnenah tun thla chhung-a LPG supply titam turin lehkha a thawn thu leh, IOC pawhin tihlawhtlinsak an tum thu an hriattir tawh thu a sawi a; LPG distributor-te chu gas an mamawh
belh tur milin order leh deposit siama bawhzui nghal turin a hrilh.

November thla khan Mualkhang Bottling Plant leh Borkhola Bottling Plant aṭanga mipui hnena pek chhuah lehte chu gas bur 1,56,949 a ni a; December thla nimin thleng khan bottling plant pa-hnih aṭang hian bûr 23,433 a thleng tawh.