Krismas pualin thisen pek rûnpui

Association for Volun-tary Blood Donation (AVBD) chuan kum danga an lo tih tawh ṭhin angin, kumin 2019-ah pawh Aizawla blood bank pahnihte nen ṭanghoin nimin aṭang khan Krismas pualin thisen pek rûnpui an huaihawt leh 

ṭan a; Krismas puala thisen pe turin Mizo ṭhalaite an sáwm.

AVBD chuan Krismas puala thisen pek rûnpui an buatsaih chungchangah thuchhuah siamin, "Mahni emaw, ṭhianho emaw, pawl ang pawhin Aizawl Civil Hospital leh Synod Hospital blood bank-ahte kalin thisen pek mai theih a ni a, thisen petute hnenah ei leh in tuihnai tak leh thilpek ṭha tak pek zel a ni," an ti.

Krismas leh kumthar vuakvêt chu Mizote hunpui pawimawh a nih avangin blood bank-te'n thisen an mamawh ang tawk an nei lo ṭhin tih sawiin AVBD chuan, "Krismas leh kumthar lai vel hi thisen pekah ṭan a ngaih nasat zual lai tak a ni. Isua Krista, min chhandam tura a pian champha pual hian mi dangte nunna chhan tura pên chhuak turin ṭhalaite kan sáwm a, Chhandamtu pian champhaah hian mi dangte tan i luang chhuak ang u," an ti a; thisen petute zawng zawng chungah lawmthu an sawi bawk.