NIT tana forest clearance tihfelsak turin MoS ngen

Lok Sabha MP Richard Vanlalhmangaiha chuan nimin khan Union Minister of State for Environment, Forest & Climate Change chu Parliament-a a pisaah kawmin, NIT, Mizoram tana forest clearance tihfelsak turin a ngen.

Richard Vanlalhma-ngaiha chuan Union MoS hnenah hian NIT, Mizoramin forest clearance an hmuh theih loh avanga hna thawh theih a nih loh thu thlenin, Mizoram Sawrkarin tih tur tul zawng zawng a tihfel tawh thu a hrilh.

Central ministry lamin a rang lama tihfelsak turin Lok Sabha MP hian Union MoS hi a ngen a, "NIT hi Mizoram tana Institution pawimawh tak a ni a, ṭhangthar lo la awm zel turte tan zirna-in chhenfakawm tak a ni dawn," a ti.

Kirti Vardhan Singh chuan a rang lama tihfelsak vat turin hma a lo lak tur thu Richard Vanlalhmangaiha hi a hrilh niin sorkar thuchhuah chuan a tarlang.