ZPM LC thar lawmna hun hmang

Nimin khan Electric Veng Local Council thar lawmna hun Electric MUP Runah buatsaih a ni a, bialtu MLA K Sapdanga, minister-in a hmanpui. Electric Vengah hian tunhnai khan ZPM LC a piangthar a ni.

K Sapdanga chuan hun lawmawm tak thleng turin daikai ngai leh paltlang ngai a tam hle tih sawiin, "Harsatna hrang hrang awm thei tur pawh ngaihtuah thleng pha chungin he hun hi kan thleng a ni. Lawmawm dan hi sawi mai aia nasa niin ka hria a, ka lawm tak zet," a ti.

Khawtlang hmasawnna nasa zawk a thlen theih beiseiin mithar duhawm takin an party an zawm tih sawiin K Sapdanga chuan, "Veng hmasawnna a hmaa sak deuh tuk anga lang ṭhin kha tunah chuan tluang purhin a kal theih ka beisei," a ti a, LC lam pawhin an theih tawp an chhuah a beisei thu a sawi.

Electric Vengah hian LC-ah Congress Party-in sorkarna an siam ṭhin a, Congress Party ticket-a thlan tlin Samuel Vanlalpeka'n ZPM a zawm tak avangin ZPM LC a piang ta a ni.