Kum upate tan hriselna inzirtir

Mission Foundation Movement (MFM) hnuaia Regional Resource Training Centre (RRTC) for Senior Citizens chuan nimin khan Bethlehem Venglai Presbyterian Kohhran Hall-ah kum upate pualin 'Dementia care and Management program' an buatsaih a; minister C Lalsawivunga, bialtu MLA ni bawkin a hmanpui.

C Lalsawivunga chuan, kum upaten an taksa hrisel an neih theihna tura MFM-in zirtirna ṭha tak an buatsaih chu hlu a tih thu a sawi a, "Hriselna atan faina a pawimawh. Harsatna kan neih changin ngawihbopui mai lo ila, kan chhungte bulah sawi nachang hriat a ṭul a, inthlahrunna tur chi a ni lo," tiin, hnam changkang zawkte chuan upate hi an ngaihluin an ngaihsak ṭhin a, Mizote pawhin aia upate enkawl leh ngaihsak kawngah hma an sawn chhoh zel thu a sawi.

MFM School of Nursing tutor HVL Awmpuii'n health & wellness lama hriattur pawimawhte a sawifiah a; C Lalremsiama taksa insawizawi dan a takin a hrilhfiah bakah, Laithangpuii College of Pharmacy principal Lalchhuanmawii leh Bethlehem Vengthlang MUP president Nghaklian-mawia ten thu an sawi bawk.