FMR piah lama lutte zawnchhuah rel

Lawngtlai additional DC David Lalrinawma kaihhruaiin nimin khan a pisaah Lawngtlai district-a dan loa ram dang mi lut ṭhin te leh dan loa sumdawnna ven dan tur sawiho a ni a; free movement regine (FMR) piah lam thlenga rawn lutte zawnchhuah an rêl.

Ṭhutkhawmah hian Lawngtlai district-a dan loa lut an awm leh awm loh endik te, Assam Rifles-in permit pek an neih leh neih loh finfiah leh, permit piahlam thlenga awmte zawn chhuaha thawnhaw te, FMR piahlam thlenga lutte surprise checking hmanga zawn chhuahte an rel a ni.

Sumdawnna bikah LADC lam nen inrâwn tlânga sumdawnna hmun tur felfai tak siam ni se, hemi hmunah chauh sumdawnna kalpui phal ni se, trade license uluk taka endik ni se, an ti a; a hma lamin LADC, MADC, Siaha leh Lawngtlai district sorkar hotu te leh NGO hruaitute nen ṭhutkhawm ni se, an ti bawk.