CM-in a biala kawngte a enfiah

Aizawl East-I bialtu MLA Zoramthanga, chief minister chuan nimin khan a bial chhung - Falkland Veng, Zemabawk leh Zemabawk North-a kawng siam ngaite leh zirna-in ṭhenkhatte a enfiah.

Chief Minister chuan, inkalpawhna kawng ṭha a ngaih pawimawh thu sawiin, veng pathum chhunga kawng siamṭhat ngaite leh zauh ngaite bakah, kawng sial belh theih tur laite a hmunah a enfiah a ni. Zoramthanga hian Falkland Upper Primary School, Zemabawk HSS, Zemabawk P/S-IV, Zemabawk North H/S leh chhungkaw thawh chhuah tlem (lower income group)-te chenna tur in sak, Rajiv Awas Yojna hnuaia hmalaknate a enfiah bawk.