MJA member-te ANI-ah chám mek

Information and Public Relations (IPR) department buatsaiha Press Stury Tour-a zin mek MJA member-te leh IPR department-a thawk mi 12-te chu Andaman and Nicobar Islands-ah an châm mek a, Nilaini khan Information Publicity and Tourism department hotute leh an press mite nen an inkâwm.

MJA member-te hian December 11 vek khan Port Blair-a hmun pawimawhte an tlawh kual a; Ross Island-a British hun laia an sûlhnu hrang hrang sorkar laipuiin a humhalh mek te, British hun lai vêka tàn-in rapthlak, politics thil leh zalenna sualtu tam takte'n tihduhdah leh khaihlum an lo tawhna hmun Cellular Jail-te an tlawh a ni.