KHAWTHLIR

Thisen pe

Bethani Unit Ṭhalai Kristian Pawl, Lawngtlai-te chuan nimin khan blood donation camp an huaihawt a, Lawngtlai District Hospital tan thisen unit 13 an pe.

Basketball court

Zemabawk North Basketball Court thar chu nimin khan bialtu MLA R Lalrinawma, Assembly deputy speaker-in a hawng a; ṭhalaite'n ṭangkai takin hmang se a duh thu a sawi. Basketball court hi Rajya Sabha MP fund, bialtu MLA fund leh Mizoram State Sports Council sum, a vaiin cheng nuai 15 sênga siam a ni.

Lo hâl hun

Mizoram sorkar chuan kum 2017-a lo hâl hun hnuhnung atan March 15 a ruat. Kum 2015 khan lo hâl hun bituk zâwm lo khua 206 an awm a, kuminah khaw 98-in lo hâl hun an zâwm lo bawk.

Thilpek hlan

YMA sub-headquarters, Serchhip chuan Krismas thilpek atan Serchhip District Hospital, ARC, Chhhiahtlang, Unity Orphanage Home, Old Age Home leh ZOAR Deprived Children Home-ah Rs. 2,000 ṭheuh an hlân.

Lawmpuina hlan

MZP Sub- Headquarters, Sesawng chuan nimin khan an khaw chhunga zirlai pass-te lawmpuina hun an khaw community hall-ah an buatsaih a, lawmpuina hi pawl sawm chin chunglam zirlai 41 te hnenah hlan a ni.

Zirna sawiho

Lawngtlai District Education Committee chu nimin khan Lawngtlai DC Dr A Muthamma hoin a pisaah an ṭhukhawm a; an district chhunga zirna lama hmalakna hrang hrang an thlirho. Naupang zirna bànsan tawh leh sikul kal lote zawn chhuah a, lehkha zirtir leh tura hmalak dan turte an sawiho bawk.

SHG training

UDPA dept. chuan tun hnai khan Champhai IPR Conference Hall-ah Self Help Group (SHG) Intensive Training an buatsaih a, SHG member-te revolving fund an dawn tur chungchang an hrilh hriat bakah, hmalakna tur hrang hrangte zirtir an zirtir.

Lirthei man zat

Aizawl Traffic Police-te'n Decemṭber 12, 2016 aṭanga No Tolerance Drive an kalpui ṭanah nimin tlai thleng khan lirthei sing chuang an endik tawh a, chu'ng zinga 626 chu dan an bawhchhiat vanga man niin, an pawisa chawitir tlingkhawm chu Rs. 3,48,100 a ni.