Siaha V/C vangin MNF an lawm

MNF party chuan, December 15, 2016-a Siaha district-a village council paruka bye-election neih-ah MNF an che ṭha hle tih tarlangin, lawm-awm an tih thu an sawi.

MNF thuchhuah chuan, Siaha district-a V/C paruka bye-election-ah hian MNF-in khaw tam zawkah hnehna an chang a, state sorkara rorel lai party Congress chuan V/C pahnih chiah an la tih a tarlang a, "Tuna inthlan theih lohna Chhuarlung II-ah MNF voter hlang 26-te chu electoral roll
aṭanga dan loa paih an nih avangin complaint a lut a, stay rih a ni. Ramri siam fel a nih veleh inthlan ṭhatna neih leh tur a ni a, MNF chuan inthlan ṭhat hun a nghakhlelin tling ngei turah a inngai," a ti.

Dan narânin V/C in-thlanah state sorkara rulling party-te an tling ṭhin nia sawiin MNF chuan, "Pu Lal Thanhawla kaih-hruai Congress sorkar chak vung vânglai, contract/supply/NLUP/NEDP leh therhlo chi hrang hrang hmanga mipui vote an veh-thlêm lai pawha MNF-in chan ṭha zawk kan chang thei zel hi lawmawm kan ti tak zet," an ti a; kum 2018-a Assembly inthlan awm turah Pathian leh mipui zarah MNF-in hneh taka sorkar siam ngei an inbeisei thu an sawi bawk.