Aizawl khawpui chhung tihchangtlunna tur atan inrawnkhawmna buatsaih

Nimin khan Lianchhiari Run, IPR dept-ah UDPA minister K Sapdanga hoin Asian Development Bank (ADB) bultuma kalpui tur, Aizawl khawpui chhung (Kulikawn aṭanga Bawngkawn inkar) Corridor and Junction Improvement Project atana inrawnkhawmna a buatsaih.

UDPA Minister chuan project kalpui tura inbuatsaihna chu ṭha thawkhat hlea a hriat thu sawiin, "Project-in a pal tlang tur huam chhunga bialtu MLA leh local council-te sorkar nena thawhhona pawh a la pawimawh chho zel dawn. Project hlawhtlinna chu ram pum tan a nih rualin, a pal tlang hmunte tan chuan hlawkna a ni leh zual ngei kan besei," a ti.

Inrawnkhawmnaah hian draft DPR chu a lem nen sawiho a ni a, bialtu MLA leh local council-te hnen aṭangin zawhna leh chhanna hun bakah rawtna awm angte sawihona hun hman a ni. Heng sawihona leh rawtna awm angte hi a remchan ang zela final proposal-a telh leh turin an ruahman.