Chief Secretary-in Saitual a tlawh

Chief secretary Khilli Ram Meena chuan February 7, Inrinni khan Saitual district tlawhin, sorkar official-te a kâwm a; Saitual district-ah raltlante chhinchhiahna (biometric registration) tih vek ṭha a tih thu sawi.

Khilli Ram Meena chuan, Saitual district chu ruihhlo kalkawng a nih avangin ruihhlo donaah sorkar leh khawtlang mipui an ṭanrual a ṭul thu a sawi a, DC leh SP-te chu khawtlang leh kohhran hruaitute nen thawkho a theihtawp chhuah turin a chah. Saitual district chu Manipur leh Myanmar ram nena inri a nih avangin raltlante biometric registration tih vek ṭha a tih thu a sawi bawk.

Sorkar laipui scheme ṭha tak tak a tam tih sawiin Chief Secretary chuan, "Mi tam takin scheme-te hi hmasawn nana an hman a, an ṭangkaipui theih nan department tinte'n thawhhona ṭha an neih a pawimawh," a ti.

Ṭhutkhawm hi Saitual bawrhsap Srinivas Sadi-in a kaihruai a, Saitual SP Gaurav Tyagi chuan police-te hnathawh dan a sawifiah.

Chief Secretary hian Selingah Saansad Adarsh Gram Yojana (SAGY) hnuaia project hrang hrangte leh Ṭamdil bakah, NESIDS (OTRI) hnuaia District Hospital Saituala sak mek a tlawh bawk a ni.