CM-in Commemorative Book tlangzarh

Chief minister Lalduhoma chuan nimin khan a pisaah UNESCO World Art Day 2025 khârna pualin Commemorative Book a tlangzarh.

World Art Day 2025 hi April 2025 khan IPR Auditorium-ah hman a ni a, CM Lalduhoma, International Association of Art, Mizoram Chapter chief patron chuan a hmanpui. Mizo hnam nunphung leh chin dante khawvel hmaa lemziak hmanga pho chhuahna hun hman a ni a, nimin khan khârna hun hman niin, a puala lehkhabu (Commemorative Book) buatsaih chu tlangzarh a ni.

Tlangzarhnaah hian IAA-INDIA UNESCO official partner president Manaj Saha, Mizoram state coordinator Lalhming Mawii, Mizoram state secretary Rosiamliana Ralte, state advisor Lalchuailova leh mi dangte an tel a ni.