MHIP-in Gutkha do beihpui an thlâk

MHIP General Headquarters chuan nimin khan Aizawla veng hrang hrangah vaihlo aṭanga siam zûk leh hmuam (Gutkha product) zawrhna dawrte an fang kual a, Gutkha product zuar tawh lo tura ngenna lehkha an sem.

MHIP chuan, dawr hrang hranga ngenna lehkha an semah hian Mizo mipuite chu gutkha product hmanga rùn mek an nih thu an tarlang a; gutkha product-te'n nasa takin hriselna a tichhia a, ruihhlo hlauhawm zawk tih ṭanna kawng a nih thu te, MHIP chuan Mizorama gutkha product lak luh leh zawrh an do tlat thute an tarlang.

Gutkha product agent dawr lian zawng zawngte chu Mizorama la lut tawhlo turin MHIP chuan an ngen a; dawr zawng zawng, veng tin leh khaw tina mite pawh zuar tawh lo turin an ngen bawk.