Financial Literacy Week hawn a ni

February 9, Thawhṭanni khan Reserve Bank of India (RBI), Aizawl Office chuan kum tina an hman ṭhin Financial Literacy Week chu Multipurpose Hall, Govt. Multiutility Centre, Thakthing Vengah an hawng.

Week hawngtu RBI, Aizawl general manager T Lhungdim chuan, RBI-in kum 2016 aṭangin thupui bik neiin mipui hnena sum leh pai enkawl dan inzirtirna, Financial Literacy Week kum tin a kalpui ṭhin thu a sawi a, "Kumin thupui atan 'Know Your Customer (KYC) - Himna atana rahbi hmasa' tih hman a ni," a ti.

Financial Literacy Week hi February 9-13, 2026 chhung hman tur a ni a, Week pual hian RBI, Aizawl office chuan nimin khan Financial Literacy van a vailiam. Van hian Mizoram district pathum - Saitual, Khawzawl leh Champhai te a tlawh kual dawn a, mipuite chu an awmna hmunah Week thupui leh sum leh pai enkawl dan an zirtir dawn a ni.

Aizawlah pawh city bus ṭhenkhatah passenger-te hnenah Financial Literacy Week thuchah pamphlet hmangin sem a ni ang.