Sorkar hnathawk training buatsaih

Nimin khan DRDO conference hall, Siahaah sorkar hnathawkte tan 'Legal Provision and Matters’ Training' buatsaih a ni a, Siaha bawrhsap VL Hruaizela Khiangte-in a hmanpui.

Siaha Bawrhsap chuan, Administrative Training Institute leh Mizoram State Legal Services Authority ṭang dunin hun ṭha tak an buatsaih chu lawmawm a tih thu a sawi a; training-a tel sorkar hnathawkte chu dan hnuaiah (conduct rules) an awm tih hria a, dan zûlzuia dik leh ṭha taka hna thawk turin a chah.

Training-ah hian Siaha chief judicial magistrate Thomas Lalrammawia, civil judge Sheila Laldinthari Hnialum leh ukil Mary J Ngurnunmawii ten thupui ṭhen hrang hrang hmangin dan chungchanga hriat tur pawimawhte an zirtir a ni.