Lirnghing laka inrálrinna khâwl hrilhfiah

Disaster Management & Rehabilitation minister Prof. Lalnilawma hoin nimin khan a pisaah leimin tur hriat lâwk theihna atana inrálrinna (warning) pe chhuak thei 'Early landslide realtime monitoring system (prototype)' khawl inhrilhfiahna hun hman a ni.

Sorkar thuchhuah tarlan danin, early land-slide realtime monitor-ing system hmang hian leimin mai theite hriat zung zung theih a ni dawn a, controling center-ah leh a bul hnaia mite hnenah warning a pe thei tura beisei a ni. Khawl hian second 0.5 lek chhungin realtime data cloud-ah a thawn ang a, chu chuan warning system hmangtute control center-ah a pe dawn a ni.

Leimin thlen theitu (factor) hrang hrang aṭangin sensors transducer hman a ni a, information data base a keng tel nghal a ni. Webservice bakah direct realtime alert phone call leh SMS a thawn nghal thei a, point to point communication protocol hmangin internet leh mobile data a down pawhin sensor reading leh alert a la thawn chhuak thei bawk.

Khawl hian solar panel leh grid supply a hmang kawp thei a, hmun kilkhawrah pawh awlsam taka bun theih a ni.