MYC Chairman leh ARO Director inkâwm

Mizoram Youth Commission (MYC) chairman Malsawmzuala Ralte chuan nimin khan Falkland Venga Army Recuitment Office (ARO)-ah ARO director Col. Prakash Kumar Singh a kâwm a, Mizo ṭhalai tam zawk sipaia an luh theihna tura thawhho chungchang a sawipui.

MYC leh ARO hotute hian thawhhona tur hrang hrang an sawi a; sorkar thuchhuah tarlan danin, MYC hian Mizo ṭhalai sipai hna dil tur hui khawm (mobilisation) an ti ang a, online-a dilna form an thehluh tur leh exam an hmachhawn tur atan computer hman dan an zirtir ang. Online exam an paltlang theihna turin coaching class an buatsaih dawn bawk.

Sipaia lut turin pawl 8, pawl 10, pawl 12 leh BA pass-te tan dil theih a ni a, dilna hun hawn a nih veleh MYC-in hriattirna a tichhuak ang a, online exam zawhah physical test neih tur a ni. MYC leh ARO thawhhona turah hian MoU ziah a ni dawn a, peih a nih ve leh inremna ziah a ni ang.