Kum 35 mi associate professor

Dr Ricky Lalṭhazuala, Ramhlun Venglai, kum 35 mi, National Institute of Technology, Mizorama thawk chu tun hnai khan associate professor-ah a kai a, Mizoram aṭanga associate professor ni thei naupang ber a nih bakah, Civil Engineering-a Mizo zinga associate professor hmasa ber a nia hriat a ni.

February 1991-a piang Dr Ricky Lalthazuala hian kum 2014 khan PES College of Engineering, Karnataka aṭangin BE (Civil Engineering) a zo a, kum 2016-ah Indian Institute of Technology (IIT), Guwahati aṭangin ME (Structural Engineering) a zo; kum 2020 khan IIT, Guwahati aṭangin PhD a zo leh bawk. kum 2021 khan NIT, Mizoramah zirtirtu hna a thawk ṭan a, Civil Engineering department-ah a awm a ni.