IFAD Governing Council-ah Laltlandiki Fanai-in thu a sawi

February 10-11, 2026 chhung khan Rome, Italy-ah International Fund for Agricultural Development (IFAD) Governing Council vawi 49-na neih a ni a, India ram aiawhin Laltlandiki Fanai d/o Vanlalhruaia, Khumtung, Serchhip district a tel.

Laltlandiki Fanai hi 'Darei Banana Chips' tih dintu a ni a, Khumtung khuain balhla an tharte chu an sawngbawl a, a funna ṭha tak nen an hralh chhuak ṭhin. IFAD Governing Council-ah hian ram hrang hrang aṭangin ṭhalaite an tel a, thupui chu, 'From farm to market, investing with young entrepreneurs' tih a ni a; Laltlandiki Fanai hian thu a sawi a ni.