State Medicinal Plants Board-in hna thawk ṭha lawmman a dawng

Mizoram sorkara State Medicinal Plants Board, Directorate of AYUSH chuan hna an thawh ṭhat avangin February 11, Nilaini khan National Medicinal Plants Board, Ministry of AYUSH aṭangin Best Performing State lawmman pathumna an dawng.

February 11 khan Delhi-ah National Medicinal Plants Board kum 25 tlin lawm nan national symposium - CHINTAN SHIVIR on Medicinal Plants buatsaih a ni a; he hunah hian State Medicinal Board lawmman sem a ni. India rama state tina Medicinal Plants Board-te hnathawh dan tehnaah Mizoram chu pathumna a ni a, pakhatna chu Madhya Pradesh niin, pahnihna chu Kerela an ni.

Lawmman hi Mizoram State Medicinal Plants Board aiawhin chief executive officer Dr Lalkhawngaihi leh consultant (SMPB) Dr Lalrammuana Sailo ten Delhi-ah an dawng.