Chemphaiah Hawite Kût buatsaih

Agriculture department bultumin nimin khan Bilkhawthlir Chemphaiah 'Hawite Kût' leh thlai hriak leh bê chi chìn uar beihpui thlakna buatsaih a ni a; Kolasib district bawrhsap Robert C Lalhmangaiha'n hmanpuiin, Hawite chìn dan ziahna bu (pamphlet) a tlangzarh.

Robert C Lalhmangaiha chuan, India ram chu kum 2047-ah chuan thlai hriak leh be lam chia intodelh turin hmalak mek a nih thu sawiin, "Hawite hriak hi hriselna atan a ṭha a, chuvangin, kut hnathawktute'n kan chìn uar deuh deuh a pawimawh," a ti a; loneitute chu taima taka hma la tur leh department hotute nen ṭang duna hlawhtlin ngei tum turin a fuih.

Bilkhawthlir Chemphaiah hian Thingdelh FIG hmalaknain Hawite chìn beihpui thlak a ni a, Chemphai leilet chu buh chìn loh laia a àwl mai mai loh nan leh loneitute tan sum lak luhna dang a nih theih nan hman ṭangkai a ni.

Hawite Kût pual hian stall eng emaw zat siam a ni a, khualzin riak duhte tan riahbûk buatsaih a ni bawk.