Valentine's Day pualin thisen pe

Champhai College, Champhai District Hospital leh Association for Voluntary Blood Donation (AVBD) te chuan Valentine's Day pualin nimin khan an college-ah thisen pek runpui an buatsaih a, Champhai SP Lokesh-waran R-in a hmanpui.

Lokeshwaran-R chuan, nunna chhanna tura thisen petute thil tih chu a ropui thu sawiin, "Thisen pek hi kan mihringpuite tana rawngbawlna sang ber pakhat leh hmangaihna lantirna a ni," a ti a; mi nun chhanna turin thisen pek a pawihmawhzia mi dangte hnena hrilh zel turin zirlaite a chah. Champhai SP leh a nupuiin thisen a pe ve nghal a ni.

Champhaia V-Day puala thisen pek rûnpuiah hian Champhai College zirlai mipa 61 leh hmeichhia 19 ten thisen unit 80 an pe a ni.