Minister-in hnathawh mekte a tlawh

UDPA minister K Sapdanga chuan February 13, Inrinni khan an department hnuaia hna thawh lai mek hmun 10 a tlawh a, UDPA secretary Lalmalsawma, UDPA director Jacob Lalawmpuia, PWD CE (Buildings) Hrangthanga Zote, Aizawl Smart City Ltd CEO CC Lalchhuangkima leh official dangte'n an ṭawiawm.

UDPA Minister-in hnathawh mek a tlawhte chu - Hualngohmuna Construction & Demolition Waste Processing Centre, Hlimen Playground, Mission Venga New Age Multifaceted Urban Centre, Chawnpui Veng hmun hniha storm drain project, Zotlang Green Cemetery, Hunthar bula sorm drain project; Hunthar by-pass road; Vaivakawn Thlanmual thar panna approach road, Maumuala internal road leh New Market bula City Centre-te an ni.