Mizoram leh Maharastra CS an inkawm

Mizoram chief secretary Khilli Ram Meena chuan February 13, Zirtawpni khan Maharashtra chief secretary Rajesh Aggarwal chu Mumbai-a a pisaah kawmin, Navi Mumbai (Vashi) hmuna sak tur Mizoram House chungchang a sawipui.

Sorkar thuchhuah tarlan danin, kum 2008 khan Mumbai-a City and Industrial Development Corporation (CIDCO) chuan Vashi, Mumbai-ah hian ram, sq.km 1,983.48 chu Mizoram State Guest House cum Emporium atan hmun a lo ruahman tawh a ni. Nimahsela, a sak hna hi CIDCO leh construction agency-te inkara rokhawlhna eng eng emaw avangin eng emaw chen tihkhawtlai a ni.

Mizoram CS chuan Maharashtra CS hnenah hian sak ṭan hun chu kumin March 31, 2026 thlenga hrethiam hram tur leh sak hna khawtlai avanga chawi tur chu ngaihtuah ṭhatsak turin a ngen. Rajesh Aggarwal chuan Khilli Ram Meena thusawi chungchangah hian CIDCO hotute hi a be nghal a ni.

Mizoram CS chuan Mumbai-a Mizoram House sakna hmun tur hi tlawh nghalin, Mumbai Mizoram House deputy resident commissioner H Lalruatliana'n a ṭawiawm.