Career Handbooks & My Career Adviser App zirho

February 13, Zirtawpni khan SCERT, Samagra Shiksha, NCERT leh Pandit Sunderlal Sharmna Central Institute of Vocational Education (PSSCIVE), Bhopal-te ṭangkawp chuan SCERT Auditorium-ah 'State Level Capacity Building Workshop on Career Handbooks & My Career Adviser App' an buatsaih a, Education secretary David Lalthantluanga'n a hmanpui.

Education Secretary chuan 500 career cards leh zirlaite hna zawnna atana pui theitu tur mobile app chhawpchhuah a ni chu lawmawm a tih thu sawiin, "Kan hunlai ngaihtuahin, tunlaia zirlaite chu an vannei tawh hle," a ti.

SCERT jt director Dr Lalduhawmi Thomte chuan zirlaiten nakin lawka eizawnna an neih theihna tur atana career awareness campaign te, career exhibition te, career counselling te an lo neih ṭhin thu sawiin, "NEP 2020-in naupangten eizawnna kawng an zawh ṭanna tur atan leh textbook pawn lama thiamna an zir theihna tura ruahmanna '10 Bagless Days' chu hlawhtling taka hman mek a ni. Chumi atana hman tur chuan India rama a hmasa ber ni turin 'Nunkawng Sialna Bu' SCERT siam chu August 2024 aṭanga hman ṭan a ni," a ti a, tuna zirlai ni mekte hi nakin lawka eizawnna tling tur hnathawk thei tura buatsaih lawk a pawimawh thu a sawi.