Mamit District Jail-ah hun hmang

Synod Prison Ministry (SPM)chuan February 13-14, 2026 khan Mamit District Jail-ah counselling hun an hmang a, jail-a tángte nen hun an hmangho.

Counselling nei tur hian Aizawl aṭangin SPM director Rev. Lalhleia leh counsellor 11 an thawk chhuak a, Aizawl páwn lamah an chêt chhuah vawi khatna a ni. Jail tángte hnenah Pathian thu leh nun kawng dik zawh theih dan tur an hrilhfiah a; tángte'n an harsatnate hrilhin, zawhna leh chhanna hun hman a ni.

Synod Prison Ministry hian jail-ah Pathian thua rawngbawlna an nei ṭhin a, Aizawl chauh ni loin, district jail dangah pawh a remchan anga rawngbawlna hun hman zel an tum thu SPM hotute chuan an sawi.