MCS (Combined Competetive) result ennawn dawn

Mizoram Public Service Commis-sion (MPSC) chuan nimin khan thuchhuah siamin, February 9, 2026-a an tih chhuah tak Mizoram Civil Services (Combined Competitive) Examinations - 2025 final result chu ennawn a ni dawn tih an tarlang.

MCS (Combined Competetive) result an tih chhuah tawhah Mizo-ram sorkarah recommendation thehluh tum a nih lai mekin, hemi kaihhnawihah hian thil thleng thar (development thar) a awm avangin recommendation an thehlut ta rih lo tih tarlangin MPSC chuan, "A tira hriat tel loh information thar a awm avangin candidate zinga pakhat chu technical ground-in a tling lo tih hmuh chhuah a ni," an ti.

MPSC tarlan danin, MCS (Com-bined Competitive) Examinations 2025 final result tihchhuah tawh hi ennawn a, siamṭhat (recast) a lo ṭul ta a ni. Result hi ennawn a, siamṭhatna tihchhuah a nih veleh February 9-a final result tarchhuah tawh chu ṭhiah/sût nghal a ni dawn.