MSU-in college zirtirtu qualify lote zirlaite hma ngaia bâng turin an duh

MSU hruaitute chuan nimin zing khan Higher & Technical Education (HTE) minister Dr Vanlalthlana chu a chenna inah an kawm a, college zirtirtu qualify lote chu zirlaite hma ngaia bang ngam tura an duh thu an hrilh.

MSU hruaitute hian nikum lam aṭanga hma an lo lak tawhna; zirlai ṭhahnem tak nena college zirtirtu qualify lote ban an nih theih nana kawng hial zawh a, hma an lakna kalzelah high court-in stay order a chhuah avanga tun thlenga qualify loten zirtirna an la pe chu pawi an tih thu HTE Minister hnenah hian an thlen.

Zirtirtu qualify lote an contract period February 28, 2026-a tawp tawh tur chu pawhsei (extend) a nih tawh loh tur thu notification tih chhuah a ni chu lawmawm an tih thu sawiin MSU chuan, "Qualify lo chunga college zirtirtu nih tum tlat hi thil zahthlak a ni. Zirlaite hmangaihna vangin harsatna siam loa tawp zui ngam turin kan chah," an ti.

MSU hian unqualify-te an an contract a tawp veleh zirlaite'n an tawrh lohna atan an aiawh tur a hma thei ang bera lak a nih theih nan hmala turin HTE Minister hi an ngen nghal.