CADS member-te tan dan zirna buatsaih

Nimin khan Excise & Narcotics depart-ment leh Central YMA bultumin Excise Commissionerate conference hall-ah 'Sensi-tisation on BNS, BNSS & NDPS Act for the Central Anti-Drug Squad (CADS)' buatsaih a ni.

Dan zirhonaah hian Excise commissioner Z Lalhmangaiha chuan, an department leh CYMA chu pumkhat ang an nih thu a sawi a, "Hmelma thuhmun kan nei a, kan hma hunah pawh thawhhona ṭha tak kan neih zel ka beisei a ni," a ti a, ṭhahnemngai taka ruihhlo do zel turin kalkhawmte a fuih.

CADS convener H Duhkima, CYMA treasurer pawhin thu sawiin, "Mizoin hnam hmelma kan beih tawh a zawngah ruihhlo aia kan nunna min laksak nasa a la awm lo. Ruihhlo ngawlvei avanga hnam hmingchhiatna thleng thei lakah ṭhahnem-ngai taka hma kan lak chhoh zel a ngai a ni," a ti.