AI Central of Excellence Mizoramah din a ni dawn

Inforamtion, Communication & Technology (ICT) minister Dr Vanlalthlana chuan nimin Assembly Session-ah AI Central of Excellence Mizoramah din a nih dawn thu a sawi.

MNF member Prova Chakma zawhna chhangin ICT Minister chuan sorkar laipuia Department of Telechommunications chhin chhiah danin, Mizoramah mobile/internet signal awm lohna khaw 54 a awm mek thu sawiin, "Heng zinga khaw 21 chu mihring awm tawh lohna khua a ni. Heng zinga khaw 14 ah hian BSNL-te'n 4G saturation project aṭangin tower dah turin hma an la mek," a ti.

ZPM member TBC Lalvenchhunga zawhna chhangin Dr Vanlalthlana chuan airtificial intelligence (AI) atana hmalakna hmasa berah Bhashini nen inremna ziah a nih thu sawiin, "He apps hmang hian Hindi pawhin thu sawi mah se, English-in a hriat theih vek. Mizo ṭawng dahluh ve a nih theihna atan mithiamte nen hma kan la a ni," a ti a, nakkumah chuan Mizo ṭawng a awmve theih tawh a beisei thu a sawi.

ICT Minister chuan Mizoramah AI Centre Excellence din turin hma an lak thu sawiin, "A tirah chuan central-in 60% tuma state-in 40% tum turin ruahmanna an siam. Ngennate thehlutin, meeting-ahte a san thu sawi chhuah a ni a, a hnuah 90-10 turin an rawn tidanglam. AI Centre Excellence dinna atan hian central chuan cheng vbc 20 an rawn phal a, bawhzui mek a ni," a ti.