Lungleiah Mock Exercise on Earthquake

Lunglei District Disaster Management Authority (DDMA) leh National Disaster Response Force (NDRF) ṭangkawp chuan nimin khan Lungleiah lirnghing avanga chhiatna lo thlen palha felfai zawka chêt lâk dan tur enchhinna, 'Mock Exercise on Earthquake' an buatsaih.

Mock Exercise on Earthquake-ah hian Lunglei Venglaia kawng chung lei (flyover bridge) leh a chhehvel Art & Culture building leh mimal in leh dawrahte lirnghing vanga chhiatna thleng angin lemchan a ni a; DDMA member-te leh line department hrang hrang — DC, DMR, Police, MPRO, HFW, PWD, P&E, PHE, Supply, DTO, IPR leh Art & Culture-a thawktute, chhanchhuah hna thawktu NDRF, 2nd MAP SDRF, Fire & Emergency Services, BSF, Assam Rifles, Sub-Headquarters YMA Quick Response Team leh tlawmngaia inpe zirlai naupang (Aapda Mitra) te, Sub-Headquarters YMA, Venglai leh Bazarveng khawtlang hruaitu leh YMA member-te an tel a ni.