Kau lui kama nûl siamte tlawh

Lunglei district hor-ticulture officer (DHO) Lalṭhakima hoin Hor-ticulture department-a thawktute chuan February 18, Nilaini khan Lunglei district-a Zawlpui khua leh Kauchhuah khuaa Kau lui kama nûl siamte tlawhin, an hmalaknate an enpui a; Kau lui kamah hian khaw pahniha chhungkaw 57 velin nûl siamin ei an zawng mek a ni.

Zawlpui khuaah hian kum 2004 vel aṭangin Kau lui kamah nûl an siam ṭan a, tunah hian ṭin 120 hmun velah chhungkaw 45-in nul hi siamin, chawhrualin kum tin cheng nuai 150 vel an la lut ṭhin. Kauchhuahah hian tun dinhmunah nul siam chhungkaw 12 awmin, an nul zau zawng hi ṭin 15 hmun vel a ni.

Horticulture depart-ment hian Mission for Integrated Development of Horticulture leh scheme hrang hrang kaltlangin nûl siamtute hi thlai chi bakah, lei ṭha leh damdawite pein, tui pekna leh tui dah khawlna zem te an siamsak a; Horticulture hotute chuan thlai chi, lei ṭha, damdawi, tui lakna leh thlai enkawl dan chungchangah nûl siamtute mamawhte a theih anga ngaihtuahpui zel an tum thu an hrilh.