Hmun thumah heroin an man

February 18, Nilaini zan khan Excise & Narcotics department leh Central YMA hnuaia Central Anti Drugs Squad (CADS) te chuan hmun thumah heroin an man.

Excise leh CADS ṭang-kawp chuan Lianzuali (40), North Vanlaiphai nia insawi hnen aṭangin Bawngkawnah heroin hawng 3 an man a, chumi hnuah Bawngkawnah vek ZDU pisa bulah Zo-hmingliana (40) leh Lalawmpuia (36), Edenthar Veng ve ve nia inchhalte hnen aṭangin heroin hawng 30 an man leh a ni.

Excise department staff-te chuan Champhai District Hospital bul, Kawipui Field-ah heroin gram 118.23 manin, a neitua puh C Rohlupuii (35), Ngur khua nia insawi leh Lalhmingmawii (30), Champhai Vengthlang nia inchhalte pawh an man nghal.