KHAWTHLIR

Zirna App tlangzarh

Adviser to chief minister Dr Lorrain Lalpekliana Chinzah, MLA chuan nimin khan a pisaah artificial intelligence (AI) hmanga thuam zirlaite leh hna zawngtute pui thei tura duan 'Zirna App' a tlangzarh. Zirna App hi Fiara Infotech siam niin, Mizo ṭawng leh ṭawng dang hmanga AI tutor, mock test, quiz hmanga inelna battle mode leh thildangte a awm.

VB G RAM G inhrilhfiah

Saitual DRDO project director V Laldinsanga chuan nimin khan a pisaah thurthar thehdarhtute kawmin, sorkar laipuiin ni 100 inhlawhna (MGNREGS) thlakna tura a duan ni 125 inhlawhna (VB G RAM G) chungchang a hrilhfiah. V Laldinsanga chuan, ram mipuiten hmasawnna ngialnghet leh tlo an neih theih nan sorkarin theihtawp a chhuah mek thu sawiin, chanchinbu mite chu thawhhopuiah a sawm.

Beisei aia chakin thawk

Serchhip DC Paul L Khuma kaihhruaiin nimin khan SASCI Scheme hnuaia Serchhip khawpui chhunga hna thawh mekte chungchang thlirho a ni a; tun dinhmunah hmalakna hrang hrangte hi a ṭha tawka ngaih niin, contractor ten beisei aia chaka hna an thawh thu tarlan a ni.