Oil palm mill bun belh tum a ni

Mizoramah oil palm mill bun belh tuma hma a la mek a ni a, Pantanjali Foods Ltd chuan Liapha, Lawngtlai district-ah oil palm mill hi bun an tum a ni.

Agriculture department aṭanga thudawn danin, tun dinhmunah company pahnih - Godrej Agrovet Ltd leh Patanjali Foods Ltd ten Mizoram chhunga kut hnathawktute hnen aṭangin oil palm an lei sak mek a ni.

National Mission on Edibile Oils-Oil Palm (NMEO-OP) scheme-in formula price a siam hmangin oil palm rah hralhna man bithliah ṭhin a ni a, thla tin oil palm man hi a danglam ṭhin.

Kum 2025-2026 ah hian oil palm rah company-ten an leina zat chawhrual chu kg khat Rs 14.13 a ni.

NMEO-OP scheme hmangin oil palm rah hralhna man puihna viability gap payment (VGP) chu kut hnathawktute hnenah pek a ni. VGP hmanga oil palm rah hralhna man puihna hi kum tin a danglam ṭhin.

VGP hmanga kut hnathawktute hnena ṭanpuina pek dan chu kum 2022-2023 ah kg khatah Rs 3.05 a ni a, kum 2023-2024 atan kg khatah Rs 3.18 niin, sem chhuah tura buaipui mek a ni.