NHM-a thawkte dah ngheh tum

Health minister Lalrinpuii chuan BJP member Dr K Beichhua zawhna chhangin National Health Mission (NHM) hnuaia thawkte dah ngheh tum an nih thu a sawi.

February 19, Ningania Assembly Session-ah Health Minister chuan, "Sorkarin National Health Mission employee-te chu Government of Mizoram Regularization of Centrally Sponsored Scheme (CSS) Employees Scheme, 2024 anga dah ngheh zel a tum a ni," a ti.

Zawh belhna chhangin health worker 100 la turin tihfel ngaite an tihfel thu sawiin Lalrinpuii chuan, "CSS hnuaia chhawrten an luhna turah ngaiin court-ah an kal," a ti a, court thutlukna a awm hunah lak a nih tur thu a sawi.