IMA-in conference vawi 43-na an hmang

Indian Medical Asso-ciation (IMA), Mizoram State Branch chuan nimin khan Aijal Club-ah Annual Conference vawi 43-na an hmang a, Health minister Dr R Lalthangliana’n a hmanpui. IMA conference thupui chu ‘Ending the HIV/AIDS Epidemic: Community by Community’ tih a ni.

Health Minister chuan, Mizoram sorkarin mipui hriselna a ngai pawimawh thu sawiin, “SEDP-ah pawh hriselna lam dah len a ni,” a ti. Doctor leh nurse-te chu mipui rawngbawltu, hna pawimawh leh zahawm tak thawkte an ni tih sawiin, an thiamna leh theihna mipui tana hlân zel turin a fuih.

IMA conference hawnna hi IMA Mizoram president Dr Rosangliana’n a kaihruai a, honorary secretary Dr Chawnglungmuana’n an pawl hmalaknate a sawi. IMA Mizoram State Branch hian member 750 chuang an nei a, intern member thar 15 an nei a ni.

IMA hmalakna pawimawh tak pakhat chu - thingtlanga special clinic an buatsaih a ni a, khawl leh hmanraw hrang hrang nen damlote a thlawnin an en ṭhin a ni.