Raj Bhavan bulah bomb a puak

Ningani zan zanlai pelh hnu, dar 1 vel khan Raj Bhavan bul Aizawl Centenary lungphun hung chhungah bomb a puak. Bomb tipuaktu hriat a la ni lo.

Bomb puahna hmunah hian Mizoram IGP pahnih LH Shanliana leh John Neihlaia hoin police hotute an kal a, thil awm dan an enfiah. Forensic Science Laboratory-a mithiamte chuan thil thlenna hmun hi an enfiah bawk a, bomb (gelatin) chu pakhat aia tam a nih an ring.

Bomb hian Aizawl Centenary lungphun chhung vel chu a tichhe vak lo a, a ep (kawngpui lehlam)-a Planning department building-a Civil Aviation office tukverh darthlalang erawh a nghawr keh nual a ni.