ZMCH-ah surgical workshop neih a ni

Zoram Medical College & Hospital (ZMCH)-ah nimin khan Association of Surgeons of Mizoram leh ZMCH General Surgery department chuan rîl leh pum lam (gastroenterology) zirhona leh surgical workshop an buatsaih a; Manipal Hospital, Salk Lake, Kolkata-a doctor-te'n pancreas cancer mi pakhat verh (laparoscopy)-in an zai.

Gastroenterology zirhona leh surgical workshop-ah hian ZMCH director Prof. Zoramthara Zadeng, medical superintendent Prof. Lalnunmawii Sailo leh sub-dean (hospital) Prof. C Vanlalhlua te an tel a; medical gastroenterologist (gastro & liver clinic) Dr Benjamine Khiangte hoin endoscopic ultrasound (EUS) hmangin a thlawnin mi pariat en an ni.

Tarlan danin, EUS hi Mizorama sorkar damdawi-ina tih vawi khatna a ni a, Mizoram pawna damlo an thawn chhan tam tak a ni. EUS khawl hi Mizo-ram sorkar damdawi-ina a la awm lo.

ZMCH Surgery department associate professor Dr Samuel Lalhruaizela kaihhruaiin nizan khan gastroenterology lama hmasawnna leh Mizoram hmachhawpte sawiho a ni a; Surgery HoD Prof. John Lalliandinga bakah, Mizorama surgeon hrang hrang leh ZMCH-a doctor-te an tel a ni.