Thlai hralh leh lei chungchang sawiho

Mizoram Agricultural Marketing Board (MAMB) chuan nimin khan Irrigation & Water Resources auditorium-ah inrâwnkhawmna, 'Consulative meeting on thlai thar market' an buat-saih a; Aizawl, Champhai, Kolasib, Serchhip, Mamit, Saitual leh Khawzawl district-a District Agricultural Marketing Committee (DAMC) member te, secon-dary collection centre (SSC) puipate leh society hruaitute an tel.

MAMB co-chairman Dr KC Lalmalsawmzauva, adviser to CM (Hand-holding) chuan, nikumah DAMC/SCC kutah sawh-thing rate dah a nih thu a sawi a, "Hralh hman loh an hlau khan a man an intihhniamsiak vak mai a, sumdawng lam an fing si a, an duh ang angin min ching kual. MAMB chuan India rama mandi hrang hrang sawhthing rate en chungin sumdawngte leh kut hnathawktute tana hlawk ve ve turin rate kan rawn khaikhawm ta a ni. MAMB-in sawhthing rate a siam hi sorkar sum ren vang emaw, a sên hreh vang emaw a ni lo a, sumdawngte'n duh duha a rate min control hi tihbo kan duh vang a ni," a ti.

Inrawnkhawmna hi Agriculture & Farmers Welfare secretary Ram-dinliani, MAMB member secretary ni bawkin a kaihruai a; SCC kalpui dan tur leh enkawl dan tur te, sawhthing rate (reserved price) siam dan tur leh thlai thar lei leh hralh kaihhnawih thil pawimawhte sawiho a ni.