Jail hmasawnna tura hmalakna tarlang

Home minister K Sapdanga chuan February 23, Thawhṭan-ni khan Assembly session-ah ZPM member pathum - VL Zaithanzama, Lt Col. Clement Lal-hmingthanga leh Jeje Lalpekhlua te zawhna inṭâwm a chhang a, jail tihhmasawnna tura Mizoram sorkar hmalaknate House a hrilh.

HOME MINISTER TARLANTE

▶ Jail sak ṭhatna atan SASCI kaltlangin cheng vbc 55 hmuh a ni a, Central Jail leh jail dang pasarih sak ṭhat mek a ni.

▶ Jail tângte inzirna tur 'Computer Training Centre' atan sorkarah sum dil niin, cheng nuai 15 hmuh a ni a, jail hrang hrangah computer pek a ni.

▶ Central Jail C4 Ward-ah khum chhâwng dah a ni a, hei hian jail-a leng zat a letin a tipung.

▶ Central Women Jail leh hmeichhe tàn theihna jail dang zawng zawngah western toilet dah vek a ni.

▶ BNSS Section 530-in a sawi angin, jail tángte court kal ngai loa jail aṭanga video conferencing hmanga court tura hmalak a ni. Sorkarah sum dil niin, nuai 24.60 hmuh a ni a, jail tinah sem a ni tawh. Court hi video conferencing hmanga neih theih a ni tawh a, district court-te nen hmalak mek a ni.

▶ Jail-a thawktu indaih lohna phuhrûkna atan jail warder 10, LDC pathum leh group D 10 lak phalna sorkarin a pe tawh a, kumin chhungin lak kim tum a ni.

▶ Aizawl District Jail-a thli leh ruahin a tihchhiat security tower siamna atan sorkar aṭangin Rs 6,25,000 hmuh a ni.