Sehchhip MJA-te'n kawng siam an enfiah

NHIDCL hnuaia KRAM Infracon Pvt. Ltd.-in Serchhip Sailiam leh Keiṭum inkar kawng an siam mek leh Serchhip Bypass Road an thawm ṭhat mek chu February 24, Thawhlehni khan MJA, Serchhip district member-te'n an enfiah.

MJA, Serchhip district hi an president Kapliana Pachuau hoin mi paruk an thawk chhuak a, KRAM Infracon aṭangin PRO Lalhruaitluanga leh engineer Dibyendu Mukherjee ten lo dawngsawngin, an hnathawh dante an hrilhfiah.

KRAM Infracon hian Baktawng leh Keiṭum inkar NH an siam a, March 2024 khan an zo tawh a, kum 4 chhung enkawl zui tur an nih angin, leiminin kawng chhuat leh kawngko a tihchhiate an thawm ṭha a, Serchhip Sailiam leh Keiṭum inkar an thawm ṭha zo tawh. Serchhip khawpui hêlna kawngpui (Bypass road) pawh an thawm ṭha mek a, March 15, 2026-ah zawh hman an tum a ni.

Serchhip MJA-te chuan, kawng thawm ṭhat chu a ṭha thawkhata an ngaih thu sawiin, mipui tan a ṭha thei ang ber leh chak taka hna thawk turin KRAM Infracon an chah a; kawng siamtute tana harsatna siam lo tur leh hmanruate lo la bo mai mai lo turin mipui an ngen bawk. KRAM Infracon hotute pawhin kawng thawm ṭhatnaa harsatna an neihte an lo hrilh a ni.